Cé Muid Féin

View this page in English

Bunaíodh Fóram Náisiúnta na hÉireann um Thaighde Oscailte (NORF) in 2017 chun clár oibre na hÉireann um thaighde oscailte a chur chun cinn. Cuireann NORF spás ar fáil i gcomhair cumarsáide, comhairliúcháin agus comhoibriú i measc príomhpháirtithe leasmhara sa chóras taighde maidir le saincheisteanna straitéiseacha agus beartais agus nósanna imeachta uileghabhálacha sa taighde oscailte. Cuireann an Fóram saineolas i dtoll a chéile ó ionadaithe d’eagraíochtaí beartais, eagraíochtaí maoinithe taighde, eagraíochtaí déanta taighde, earnáil na leabharlainne, earnáil na fiontraíochta agus príomhpháirtithe leasmhara eile sa chóras taighde ar fud na hÉireann.

Tá NORF maoinithe ag an Roinn Breisoideachais agus Ardoideachais, Taighde, Nuálaíochta agus Eolaíochta tríd an Údarás um Ard-Oideachas (ÚAO). Tá sé á bhainistiú ag Taisclann Dhigiteach na hÉireann (TDÉ), a thagann faoi eintiteas dlíthiúil Acadamh Ríoga na hÉireann.

Tá dhá phríomhghné i gceist le ról NORF:

Gníomhartha náisiúnta a fhorbairt agus a mholadh chun aghaidh a thabhairt ar na dúshláin a bhaineann le córas taighde na hÉireann a athrú chun cleachtais taighde oscailte a neartú, a chur chun cinn nó tacú leo ar bhealach níos fearr, de réir mar atá leagtha amach sa Chreat Náisiúnta um Aistriú chuig Timpeallacht Taighde Oscailte (2019) agus sa Phlean Gníomhaíochta Náisiúnta um Thaighde Oscailte, 2022-2030. Déanfar athbhreithnithe tréimhsiúla ar an bPlean Gníomhaíochta Náisiúnta chun athbhreithniú a dhéanamh ar an dul chun cinn atá déanta agus chun tuilleadh gníomhartha a chur leis.

Maoirsiú agus treoir a thabhairt ar chur i bhfeidhm an Phlean Gníomhaíochta Náisiúnta um Thaighde Oscailte i gcomhthéacs Thionchar 2030: Straitéis Taighde agus Nuálaíochta na hÉireann. Tacaíonn Ciste Taighde Oscailte FRTO, arna sholáthar ag an Roinn Breisoideachais agus Ardoideachais, Taighde, Nuálaíochta agus Eolaíochta (RBATNE) tríd an ÚAO, le gníomhaíochtaí tosaíochta a sheachadadh sa Phlean Gníomhaíochta Náisiúnta. Tá an ciste seo á bhainistiú ag Taisclann Dhigiteach na hÉireann (TDÉ) agus déantar é a dháileadh trí phróiseas leithdháilte ar aghaidh a ndéanann FRTO maoirseacht air.

Gníomhaíocht

Déanann FRTO réimse gníomhaíochtaí chun a ról a chomhlíonadh. Áirítear leo sin:

  • Teagmháil a dhéanamh le páirtithe leasmhara agus leis an bpobal maidir leis an taighde oscailte agus saincheisteanna gaolmhara trína struchtúr rialachais, dioscúrsaí, oiliúint agus imeachtaí.

  • A chion féin a dhéanamh le heolas agus comhairle a thabhairt maidir le ceapadh beartais in Éirinn agus go hidirnáisiúnta.

  • Tacú le taighde oscailte agus an tionchar agus na buntáistí a bhaineann leis don chóras náisiúnta taighde.

  • Tacú le tionscadail a fhaigheann maoiniú ó FRTO chun gníomhartha a chur i bhfeidhm atá sa Phlean Gníomhaíochta Náisiúnta um Thaighde Oscailte.

  • Deontais a bhronnadh agus sainthuarascálacha a choimisiúnú chun críocha sonracha le dul chun cinn na hÉireann sa taighde oscailte a chur chun cinn agus a luathú.

Faigh an scéala is déanaí inár nuachtlitir. Cláraigh anois